එසේ වුවත් ඩෙංගු රෝගය රක්තපාත තත්ත්වයට පත් වූ රෝගියකුට වුවත් සිය ජීවිතය පිළිබඳව බලාපොරොත්තු තබා ගත හැකි ප්රවෘත්තියක් පිළිබඳව අපට පසුගියදා අසන්නට ලැබුණි. නමුත් එම ප්රවෘත්තිය අපට අසන්නට ලැබුණේ ඩෙංගු රෝගීන් බහුල ලෙස හමුවී ඇති කොළඹ හෝ ගම්පහ යන ප්රදේශවලින් නම් නොවේ. අපට එම ප්රවෘත්තිය අසන්නට ලැබුණේ ඩෙංගු රෝගයට එතරම්ම ගොදුරු වී නොමැති ගාල්ල අම්බලන්ගොඩ අලුත්වල ප්රදේශයෙනි.
එම ප්රවෘත්තියෙන් කියවුනේ ආයුර්වේද වෛද්යවරියක් විසින් ඩෙංගු රෝගය සඳහා අති සාර්ථක ප්රතිකාරයක් සොයා ගෙන ඇති බවයි. ප්රවෘත්තියේ ඇති වැදගත්කම නිසාම ඇය පිලිබදව මෙලෙස සටහනක් තැබීමට සිතුවෙමි.
ඇය නමින් වික්රමසූරිය දෙනගමගේ තරංගා කුමාරි වික්රමසූරිය යි. නිවැරදිවම සඳහන් කරනවා නම් වෘත්තියෙන් ඇය සර්වාංග රෝග පිළිබඳ ආයුර්වේද වෛද්යවරියකි. ආයුර්වේද වෛද්ය විද්යාව හදාරා තිබෙන්නේ නාවින්න ආයුර්වේද වෛද්ය විද්යාලයෙනි. එහි ලියාපදිංචි අංකය වන්නේ 13772 දරණ අංකයයි. 2006 වසරේ සිට වසර 5 ක් එම විද්යාලයෙන් ආයුර්වේද වෛද්ය විද්යාව හදාරා ඇති ඇයට ලියාපදිංචිය ලැබී ඇත්තේ 2011 වසරේදීය. එම ලියාපදිංචි අංකය ලැබී මේ වන විටත් ගත වී තිබෙන්නේ මාස 3 ක පමණ කාලයක් පමණි.
ඩෙංගු රෝගය සඳහා ප්රතිකාරයක් සොයා ගෙන ඇති බව ශ්රවනය කළ මොහොතේ සිට අප පසුවූයේ ඒ පිළිබඳ කුතුහලයෙනි. එම නිසා ඇය පිළිබඳ අනන්යතාවය පැහැදිලි කර ගැනීමෙන් පසුව, වෛද්ය විද්යාව නව මගකට යොමු කළ හැකි සොයාගැනීම පිළිබඳව ඇය දැක්වූ අදහස් මෙලෙස ඉදිරිපත් කරන්නම්.
එම ඖෂධය පෙනුමෙන් උණ සහ සෙම්ප්රතිෂ්යාව සඳහා පානය කරන පස් වගය කුඩු කරගත් විට එන පෙනුමට සමාන කුඩකි. ඇය විසින් පර්යේෂණ කර සොයාගත් එම ඖෂධ වර්ගය තේ හැඳි 2 ක්, උතුරන වතුර පීරිසි කෝප්ප භාගයකට (මිලි ලීටර් 120) දමා තැම්බෙන්න තබා පානය කළ යුතු වේ. එලෙස පැය 6 කට වරක් දින 2 ක් එම ඖෂධය පානය කිරීමෙන් ඩෙංගු රක්තපාත තත්ත්වය පවා පහව ගිය බව ඇය ප්රකාශ කළාය.
ඩෙංගු සඳහා ප්රතිකාරයක් සොයාගෙන ඇති බව වාර්තා වූ මොහොතේ සිට සහ තරංගා කුමාරි වික්රමසූරිය වෛද්යවරිය කළ පැහැදිලි කිරීමෙන් පසුවත් අප පසුවූයේ මේ කියන කතාව විශ්වාස කරන්නේ කොහොමද කියන මානසිකත්වයෙනි. එම පසු බිම කරා අපව පොළඹවන සිදුවීම් පසු ගිය කාලයේ කිහිපයක්ම සිදුවී තිබීම ඒ සඳහා බලපා තිබුණි. පොලිතීන් වලින් පෙට්රල් නිෂ්පාදනය කිරීම, ජලයේ ඇති හයිඩ්රජන් අනුවලින් බලශක්තිය නිෂ්පාදනය කිරීම, ආසනික් හැඳිනුවත් කැඩ්මියම් නාඳුනන දෙවිවරුන් පිළිබඳ ඇතුළු විවිධ කතා අප මීට පෙර අසා තිබීම එම තත්ත්වයට හේතු වූවා විය හැකිය.
එම සැකයට පිළිතුරු වශයෙන් තරංගා වෛද්යතුමිය ප්රකාශ කොට සිටියේ රක්තපාත තත්ත්වයට පත් වූ රෝගීන් ද ඇතුළුව ඩෙංගු රෝගීන් 40 ක් පමණ නොමිලේ ප්රතිකාර කර මේ වන විටත් සුවකර ඇති බවයි. ඊට අමතරව ඇය විසින් සුවකරන ලද රෝගීන් කිහිප දෙනෙකුගේ නම්, ලිපිනයන් මෙන්ම දුරකථන අංක කිහිපයක්ද ඇය ප්රකාශ කර ඇත. එම රෝගීන් කුලියාපිටිය අකුරැස්ස යන ප්රදේශවලට අයත් වූවන්ය. සුවය ලබා සිටි අය අතරින් එක් අයෙක් ගර්භණී අවස්ථාවේ පසු වී ඇති අතර ඇය ඩෙංගු රක්තපාත තත්ත්වයටද පත් වී සිට ඇත. එමෙන්ම තවත් ඩෙංගු රක්තපාත තත්ත්වයට පත්වූ රෝගී මහත්මියකට ප්රතිකාර කර ඇත්තේ කොළඹ පිහිටි පෞද්ගලික රෝහලක දැඩි සත්කාර ඒකකයේ සිටියදීය. එම ඒකකයට වෙනත් ප්රතිකාර රැගෙන යා නොහැකි නිසා ඇයට මෙම ප්රතිකාරය කළේ දෙළුම් ගෙඩියක් තුළ දමා අදාළ ඖෂධය රැගෙන යාමෙන් බව ඇය ප්රකාශ කර සිටී. එලෙස සුවය ලැබූ මහත්මියගේ මව ප්රකාශ කර සිටියේ තම දරුවාගේ ජීවිතය රැක දුන් නිසා ඊට වැදගත් උපකාරයක් කිරීම තමා අපේක්ෂා කරන බවයි.
මෙම අවස්ථාවේදී ඒ පිළිබඳව අපට ඊට වඩා දෙයක් සඳහන් කිරීමට නොමැති අතර, ඕනෑම කෙනෙකුට ඒ පිළිබඳව තවදුරටත් විමසා බැලීමේ ඉඩ කඩ තිබෙන බව පමණක් සඳහන් කරමු. තමාගේ ප්රතිකාරයේ විශ්වාසනීය භාවය පිළිබඳව තරංගා වෛද්යතුමිය තවදුරටත් ප්රකාශ කර සිටියේ ජාතික තාක්ෂණික ආයතනය (iti) ආයතනය තමාගේ ඖෂධයේ ශරීරයට අහිතකර වර්ග සහ බැක්ටීරියා වර්ග නොමැති බවට සහතිකයක් ද ලබා දී ඇති බවයි. ඊට අදාළ වාර්තා කිහිපයක් ඇය සතුව ඇත. ප්රමිති ආයතනය විසින් තම සොයා ගැනීම සඳහා පේර්ටන් බලපත්රයක් ලබාදීම සඳහා පේර්ටන් බලපත්ර ලියාපදිංචි කිරීමේ ඉල්ලුම් පත්රයක්ද LKP/1/1/16813 patents 09/08/2012 අංකය යටතේ තමා වෙත ලබා දී ඇති බව ද ඇය පවසයි. එමෙන්ම ඇය අප හා තවදුරටත් ප්රකාශ කර සිටියේ සිය ඖෂධය ලියාපදිචිංය සඳහා දේශීය වෛද්ය සභාවට ඉදිරිපත් කර ඇති බවත් එම ලියාපදිංචි ලැබුණු පසු ඖෂධය වෙළෙඳපොළට නිකුත් කරන බවත් ය.
ඩෙංගු මදුරුවන් විසින් එකා පිට එකා මරාදමන තත්ත්වයක් ඇති වුවත් අප බොහෝ දෙනා පෙළඹී සිටියේ පරිසරය ශුද්ධ පවිත්ර කිරීම, බී. ටී. අයි. බැක්ටීරියා කියුබාවෙන් ගෙන ඒම වැනි කරුණු කාරණා වෙත පමණි. එනම් රෝගය මර්දනය කළ නොහැකි නිසා මදුරුවා මර්දනය කිරීමේ උපක්රම වෙතය. එම පසුබිම තුළ ඩෙංගු රෝගය සඳහා ප්රතිකාරයන් සොයා ගත යුතුය යන අදහස ඇති වූයේ කෙසේද යන වග තරංගා වික්රමසූරිය වෛද්යවරියගෙන් විමසා සිටි අවස්ථාවේදී ඇය ප්රකාශ කර සිටියේ, අපගේ තාත්තා සර්ප විෂ වෛද්යවරයෙක්. අපේ තාත්තා නයෙක් දෂ්ඨ කරල එන පුද්ගලයකුට වුවත් කසාය 2 යි දෙන්නේ ගෙදර ගිහින් බොන්න. එම කසාය පානය කළ විට උපරිම වශයෙන් පැය 4 කින් ලෙඩා සුවයක් ලබනවා. නයෙක් වැනි විෂකුරු සර්පයකු දෂ්ඨ කළ රෝගියකු එසේ ඉක්මනින් සුවය ලබනවා නම් මදුරුවකු නිසා මිනිසකු මිය යාම මොනතරම් අපරාධයක්ද කියල මම කල්පනා කළා.
බටහිර වෛද්ය විද්යාවේ වෛරස් විනාශ කිරීමේ ද්රව්ය නැහැ. ලාක්ෂණික ප්රතිකාර පමණයි තිබෙන්නේ. ආයුර්වේද වෛද්ය විද්යාවේ ද්රව්ය ගුණ විඥනය කියල එකක් තිබෙනවා. එයට අනුව කිසිදු රෝගයකට බෙහෙත් නැහැ කියල කියන්න බැහැ. එම නිසා ආයුර්වේදයේ සඳහන් රාක්ෂොග්න වර්ග හෙවත් විෂ නැසීමේ වර්ග මොනවාද කියල සොයා බැලුවා. ඒ පිළිබඳව අවුරුදු 2 ක් පමණ පරීක්ෂණ කරල මෙම බෙහෙත හදල බැලුවා. යනුවෙනි.
ඇයගේ ප්රකාශයෙන් පෙනී යන්නේ ඇයගේ පවුල් පසුබිම සහ අභියෝගවලට අභියෝග කිරීමට ඇය තුළ ඇති හැකියාව, මෙම ඖෂධය සොයා ගැනීමට හේතු වී ඇති බවයි. අදින් දශක කිහිපයකට පෙර ඇනෝෆීල්ස් නම් මදුරුවකු විසින් ද ජනතාව විශාල වශයෙන් බිලි ගනිමින් බියට පත් කර ඇත. එම අවස්ථාවේ අපගේ දේශීය වෛද්යවරුන්ට ඒ සඳහා ප්රතිකාරයක් කිරීමට නොහැකි වීම අපගේ වෙදකම පිළිබඳව අපගේa ජනතාවගේ විශ්වාසය පලුදු වූ අවස්ථාවක් ලෙස තරංගා වෛද්යතුමිය අප හා පැවසුවාය. ඇය අප හා තවදුරටත් ප්රකාශ කොට සිටියේ ඇනෝෆීල්ස් මෙන්ම තවත් මදුරුවකු වූ ඩෙංගු මදුරුවා පරාජය කර දේශීය වෙදකම පිළිබඳව අපගේ ජනතාවගේ විශ්වාසය යළි වර්ධනය කිරීම තම එකම අරමුණ වන බවයි.
එය ඒ ආකාරයෙන්ම සිදුවිය යුතු අතර අපට වැඩි දුරටත් පැවසීමට ඇත්තේ මැලේරියා රෝගයට ප්රතිකාරයක් ලෙස සොයා ගත් ඖෂධය (ක්වීනින්) මෙන්ම මෙම ඖෂධය ද තීරණාත්මක ඖෂධයක් විය හැකි බැවින් ඒ පිළිබඳව වගකීමෙන් කටයුතු කිරීම අප සියලු දෙනාගේ ජාතික වගකීමක් වන බවයි.
No comments:
Post a Comment