දූෂිතයා හැරෙන තැපෑලෙන් අල්ලයි

සේවය නිමකර 26 දින රාත්‍රී කාලයේ පා ගමනින් නිවස බලා ගමන් කරමින් සිටි තිස් දෙහැවිරිදි එක් දරු මවකට මරණීය තර්ජනය කර බිය ගන්වා මහ මගදී දූෂණය කරන ලද පුද්ගලයෙකු සිද්ධියෙන් පසු ප්‍රදේශය හැර පළාගොස් සිටියදී පැය 18 ක් ගතවීමට පෙර අත්අඩංගුවට ගැනීමට පොලිසිය සමත්වී තිබේ. සැකකාර තරුණයා දිවයිනේ ලියා පදිංචි ‘C’ ශ්‍රේණියේ ලේඛණ ගත අපරාධකරුවෙකු බවද සඳහන්වේ. දෙදරු මව ඇඟලුම් සේවිකාවකි. සේවා මුරය නිමාවී රාත්‍රී 7ට පමණ හසලක හෙට්ටිපොළ මර්‍ගයේ මැය විදුලි පන්දම දල්වාගෙන පා ගමනින් ගමන් කරමින් සිට ඇත. ඇය ගමන් කරමින් සිටින විට දී පා පැදියකින් ඇගේ පිටුපසින් පැමිණි නාඳුනන අයෙකු ඇය ඉදිරියට විත් පාපැදිය පසෙකට තල්ලු කර දමා ඇය වෙත පැන කෑ ගැසුවහොත් මරණ බව පවසා බිය කොට ඇයව මර්‍ගයේ පසෙක තිබූ පාළු වෙළඳ සලකට රැගෙන ගොස් දූෂණය කර ඇත.