විනාඩි පහක් රතු වැස්සක් වැටේ

කරුවලගස්වැව , කුඩාමැදවච්චිය ප්‍රදේශයට ඊයේ (25) සවස රතු වැස්සක් කඩා වැටුණු බව පුත්තලම ආපදා කළමණාකරණ ඒකකය කියයි. සවස 5.45 ට පමණ ඇද හැලී ඇති මෙම වර්ෂාව විනාඩි 05 කටත් අඩු කාලයකදී අවසන් වී ඇත. තම ප්‍රදේශයට ලැබුණු වැස්ස රතු පැහැ ගැන්වී තිබූ බවත්, එම ජලයේ යකඩ මෙන් කුඩා අංශු කැබලි දක්නට ඇති බවත් කුඩාමැදවච්චිය ගම්වාසීන් සඳහන් කළහ. පුත්තලම දිස්ත්‍රික්කයේ සෙසු ප්‍රදේශවලටද 25 වැනි දින වැසි ඇද හැළුණු නමුත් මෙවැනි තත්ත්වයක් එවැනි කිසිදු ප්‍රදේශයකින් වාර්තා නොවූ බව අප කරන ලද විමසුමකදී පුත්තලම ආපදා කළමණාකරණ ඒකකයේ නිලධාරියෙකු කියා සිටියේය.