හොරා පොලිස් ඇතුලේ

පොලිස් නිලධාරින් ලෙස පෙනී සිටිමින් පුද්ගලයින් කොල්ල කෑ සැකකරුවන් දෙදෙනෙකු ඉකුත් 07 දින කඩුවෙල මහේස්ත්‍රාත් අධිකරණයට ඉදිරිපත් කිරීමෙන් අනතුරුව මේ මස 19 දින දක්වා රක්ෂිත බන්ධනාගාර ගත කර තබන ලෙස කඩුවෙල මහේස්ත්‍රාත් ලංකා ජයරත්න මෙනවිය නියෝග කළාය. රක්ෂිත බන්ධනාගාර ගත කෙරුනේ බත්තරමුල්ල සහ බියගම යන ප්‍රදේශවල පදිංචි වයස 25 සහ 30 විවාහකයන් දෙදෙනෙකි. මත්ද්‍රව්‍ය වලට තදින්ම ඇබ්බැහි වී සිටින සැකකරුවන් දෙදෙනා ඉතා සංවිධානාත්මකව මහ මග ගමන් ගන්නා පිරිමි පුද්ගලයන්ව තම වාහනයේ නංවාගෙන පාළු පෙදෙස්වලට රැගෙන ගොස් එම අය සතු රන්භාන්ඩ, ජංගම දුරකථන හා ඔවුන්ගේ මුදල් කොල්ලකා පසුව ඔවුන් මහ මග දමා යන බව හෙළිවී ඇත.