සත්‍යවාදී මාවතේ වංචාවක් කළ චීන්නු අල්ලයි

නිසි වෙළඳ බලපත්‍රයක් නොමැතිව විදේශ රටක සිට පැමිණ අනුරාධපුර නගරයේ ජංගම දුරකථන අලෙවි කළ චීන ජාතික යුවලක් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රුපියල් 150,000 ක දඩ මුදලක් ගෙවන ලෙස අනුරාධපුර ප්‍රධාන අතිරේක දිසා විනිසුරු ජී.ඩබ්ලිව්.ඒ. රුවන්දිකා මාරපන මහත්මිය නියෝග කළාය. දඩ මුදලට අමතරව වසර දෙකක බරපතල වැඩ සහිත සිර දඩුවමක් වසර 10 කට අත්හිටුවීමටද නියෝග කළ අතර ඔවුන් සතුව තිබූ චීනයේ නිෂ්පාදිත ජංගම දුරකථන 18 ක් ද රාජසන්තක කරන ලෙස මහේස්ත්‍රාත්වරිය නියෝග කළාය. දඩුවම් සහ දඩ නියම වූයේ චීනයේ පදිංචි ලින් චවුචි සහ ෂයි කුයින් ජෝන් යන දෙදෙනාටයි. සැකකාර චීන ජාතිකයින් දෙදෙනා මීට දින කිහිපයකට ඉහතදී අනුරාධපුර මූලස්ථාන පොලිසියේ විවිධ පැමිණිලි අංශයේ නිලධාරින් විසින් අනුරාධපුර නගරයේ සත්‍යවාදී මාවතේ සුගතාරාමය ඉදිරිපිට ජංගම දුරකථන අලෙවි කරමින් සිටියදී අත්අඩංගුවට ගෙන තිබුණි.