රෝහල්වල 5000ක් අද වැඩ වරති

දිවයින පුරා රෝහල්වල පරිපූරක වෛද්‍ය සේවා වෘත්තිකයින් ඉල්ලීම් කීපයක් මුල්කරගනිමින් අද (18) සංකේත වැඩ වර්ජනයක් ආරම්භ කර ඇත. එම වැඩ වර්ජනය අද (18) උදේ 8.00 සිට පැය 48 ක් පුරා පැවැත්වෙනු ඇත. මෙම වැඩ වර්ජනයට වෛද්‍ය පර්යේෂණ කාර්මික විද්‍යාඥයින්, ඖෂධ වේදීහු, විකිරණ ශිල්පීන්‍, භෞතචිකිත්සක හා වෘත්තිය චිකිස්සක සේවාවට දායක වන 5000 ක සමාජිකයින් පිරිසක් අයත් වේ. මෙම වැඩවර්ජනය හේතුවෙන් රෝහල්වල රසායනාගාර, කටයුතු, ‍‍‍ඖෂධ නිකුත් කිරීම, එක්ස් කිරණ පරික්ෂණ, හෞත හා වෘත්තිය චිකිස්සක කටයුතු මුළු මනින්ම ඇණ හිට ඇත. මේ හේතුවෙන් රෝහල්වලට ප්‍රතිකාර සඳහා පැමිණෙන රෝගීන්ට මහත් දුෂ්කරතාවයන්ට මුහුණ පෑමට සිදුව ඇත. වර්ජනය ක්‍රියාත්මක වුවද රෝල්වල හදිසි සේවා ක්‍රියාත්මක වන අතර රිච්වේ ආර්යා ළමා රෝහල, කාසල් වීදීය කාන්තා රෝහල, ද සොයිසා රෝහල හා මහරගම පිළිකා රෝහල වර්ජනයට සහභාගී කර නොගන්නා බව පරිපූරක වෛද්‍ය සේවා වෘත්තීය සමිති ඒකාබන්ධ බල මණ්ඩලය සඳහන් කරයි.