ගුදයෙත් රන් සපත්තුවෙත් රන්

ගුද මාර්ගයේ හා පැළැදි සපත්තුවක් තුළ සඟවා ගෙන රන් කැබැල්ලක් හා වි‍දේශ මුදල් තොගයක් රටින් පිට කිරීමට උත්සහ කළ ගුවන් මගීන් දෙදෙනෙකු අද (10) අළුයම ගුවන් තොටුපළ රේගුව අත්අඩංගුවට පත්විය. රුපියල් ලක්ෂ 27 ක් පමණ වටිනා විදේශ මුදල් රැගෙන ආ සැකකරු කල්මුණේ පදිංචි කරුවෙකි වයස අවු 61 ක් පමණ වූ ඔහු සෞදි රියාල් 61500, කටාර් රියාල් 7000, ඩුබායි ඩිරාම් 7660 ක් සඟවා ගෙන සිටි බව රේගුව පවසයි. එයාර් ආරාබියා ගුවන් යානයකින් ඊයේ අළුයම සාජා බලා යාමට පැමිණි සැකකරු, සහකාර රේගු අධිකාරි චන්දිම කරුණාරත්න මහතා විසින් සැකපිට පරික්ෂා කිරීමේදී මෙම ‍මුදල් තොගය සොයා ගත් බව රේගුව පවසයි රුපියල් ලක්ෂ පහලොවක් වටිනා ග්‍රෑම් 207 ක් බර රන් කැබැල්ලක් ගුද මාර්ගයේ සඟවා ගෙන චෙන්නායි බලා යාමට පැමිණි සැකකරු අළුත්ගම පදිංචි මුස්ලිම් ජාතික රෙදිපිළි ව්‍යාපාරිකයෙකි. රේගු පරික්ෂණය කළ නියෝජ්‍ය රේගු අධ්‍යක්ෂක ඩී. විජේසිරිවර්ධන මහතා සැකකරුට රුපියල් ලක්ෂයක් දඩ නියම කර රන් කැබැල්ල රාජසන්තක කරන ලදී.