කම්බි සමඟ හොරු මාට්ටු

ජංගම දුරකථන සම්ප්‍රේෂණ කුළුණකට සවි කර තිබු රුපියල් ලක්ෂ 10 ක් වටිනා වයර් තොගයක් හොර රහසේ කපාගෙන ගිය බව කියන සැකකරුවන් දෙදෙනෙකුව කරුවලගස්වැව පොලීසිය විසින් අත්අඩංගුවට ගෙන ඇත. තමන් සේවය කරණ ආයතනය විසින් කරුවලගස්වැව ප්‍රදේශයේ සවි කර ඇති දුරකථන සම්ප්‍රේෂණ කුළුණක තිබූ වයර් තොගයක් කිසියම් අයෙකු විසින් කපා ගෙන ගොස් ඇති බව ජංගම දුරකථන සමාගමක තාක්ෂණික නිළධාරියෙකු ලෙස සේවය කරණ පුත්තලම - ආනන්ද මාවත පදිංචි වර්ණකුළසුරිය පැතුම් චාමර විජේරත්න (29) යන අය කරුවලගස්වැව පොලීසියට පැමි‍ණිළි කරමින් පවසා ඇත. ඒ අනුව ක්‍රියාත්මක වූ පොලීසිය දොම්පේ සහ නිකවැරටියේ පදිංචි දෙදෙනෙකුව කරුවලගස්වැව ප්‍රදේශයේදී අත්අඩංගුවට ගෙන ඇත.ඔවුන් සතුව තිබී දුරකථන සම්ප්‍රේෂණ කුළුණෙන් කපා ගෙන ගිය වයර් පුළුස්සා ලබා ගත් රුපියල් ලක්ෂ 01 ක් පමණ වටිනා තඹ කම්බි තොගයක්ද පොලිස් බාරයට ගෙන ඇත. සැකකරුවන් පුත්තලම දිසා අධිකරණය වෙත ඉදිරිපත් කිරීමට නියමිතය. කරුවලගස්වැව පොලීසිය වැඩිදුර පරීක්ෂණ කරගෙන යයි.