දුමින්දට එරෙහි සාක්ෂි තියෙනවලු

භාරත ලක්ෂ්මන් ඝාතනයේ ප්‍රධාන සැකකරු වන පාර්ලිමේන්තු මන්ත්‍රී දුමින්ද සිල්වාට එරෙහිව සාක්ෂි ඉදිරිපත් වී තිබෙන බව අගතියට පත් භාරත පාර්ශවයේ නීතිඥ උපුල් කුමාරප්පෙරුම මහතා අද (18) කොළඹ මහේස්ත්‍රාත් අධිකරණය ඉදිරිපිට දී කියා සිටියේය. භාරත ලක්ෂ්මන් ඝාතනය සම්බන්ධ‍ ලඝු නොවන නඩු විභාගය මහේස්ත්‍රාත් අධිරණයේ කැඳවනු ලැබූ අතර රහස් පොලිසිය පැවසුයේ භාරත බිරිඳ හා දියණිය යම් යම් සැළකිරීම් කර ඇති බවයි. එහෙත් කුමාරප්පෙරුම මහතා අධිකරණයේදී මේ සම්බන්ධයෙන් කිසිවක් ප්‍රකාශ කළේ නැත. නඩුව අවසන්ව අධිකරණය ඉදිරියට පැමිණි පසු මාධ්‍යවේදීන්ට කියා සිටියේ දුමින්ද සිල්වාට එරෙහිව භාරත ඝාතනය සම්බන්ධයෙන් සාක්ෂි ඉදිරිපත් වී ඇති බවයි.