සීයාගෙන් මිණිබිරියට අතවර

පාසල් පංති කාමරය තුළ සිටි දරුවන් අතර අනෙකුත් ශිෂ්‍යාවන්ට වඩා නිතරම බියකින් හා චකිතයකින් සිටි පාසල් දැරියක පිළිබඳව අවධානයෙන් සිටි පංතිභාර ගුරුවරියට සීයා අතින් එම දැරිය දිගින් දිගටම දූෂණයට ලක් වන බව දැන ගැනීමට හැකි වී තිබේ. ඒ අනුව සිද්ධිය විදුහල්පතිවරයා මඟින් ගම්පොළ පොලිසියට දැන්වූ පසු සැකකරු අත්අඩංගුවට ගෙන ගම්පොළ මහේස්ත්‍රාත් වසන්ත කුමාර මහතා වෙත ඉදිරිපත් කිරීමෙන් පසු ලබන 16 වන දින දක්වා රක්ෂිත බන්ධනාගාර ගත කරන ලෙස නි‍යෝග කරනු ලැබීය. රක්ෂිත බන්ධනාගාර ගත වූයේ ගම්පොළ කීරපන සඳ සිරිවත්ත පදිංචි 52 හැවිරිදි අයෙකි. 11 හැවිරිදි මෙම ශිෂ්‍යාව 6 ‍වසරේ ඉගෙනුම ලබන අතර මෙම දැරියගේ මව විදේශගතව සිටි. පියා ත්‍රිකුණාමලය ප්‍රදේශයේ රැකියාවක නිරතව සිටි. මේ නිසා දැරිය ඥාති සීයා කෙනෙකුගේ නිවසේ නවතා පාසල් යවා ඇත. එහිදී මෙම දැරිය මෙසේ දිගින් දිගටම දූෂණයට ලක්ව ඇති බව පරික්ෂණ වලින් අනාවරණය වී ඇති අතර ගම්පොළ පොලිසිය වැඩිදුර පරික්ෂණ පැවැත්වූහ‍.